Rényon resan Groupe Réfugiés Chagos (CRG), dimans 29 juin 2025, akot bann représentan Sagosien depi Sesel ek Rwayom Ini ti réuni dan Moris, finn met o-klèr bann problem persistan ki lyé avek reprezantasyon ek kominikasyon dan kominoté la. Présedan enn repas ki finn partazé, rényon la so bi cé inform bann partisipan la CRG so plan daksyon, en kolaborasyon avek Dentons Mauritius LLP konsernan lakor souverènté ant Moris ek Rwayom Ini.

Toutfwa boukou Sagosien finn eksprim zot linkiétid konsernan transparans ek le fait ki bizin kapav rann kont. Bann informasyon, ki prinsipalman aksesib a bann manb CRG, donn linpresyon ki zis bann ceki pour sa lakor la ki gagn bann miz-a-zour esansyel. En plis sa linisyativ ki ena pou bi met en plas enn lalis ofisyel de bann Sagosien natif ek desandan pandan sa rényon la finn soulev bann dout konsernan so lotantisité en rézon labsans enn resansma aproprié ek dispersyon géografik kominoté Sagosien ki finn anpes boukou parmi zot assisté sa rényon la, swa par opozisyon a ceki CRG reprézant zot, ouswa en rézon de bann obstak logistik.

Sa sitiasyon la finn aksantié enn bezwin irzan pou enn lapros pli inklisiv ek transparan de lapar bann gouvernma Britanik ek Morisien. Li krisyal véyé ki rekonet veritabman divers lavwa dan kominoté Sagosien ek ki zot reprézanté dan bann diskisyon ki pou fasonn zot lavenir. Fié lor bann afirmasyon selon lekel ki CRG ena mazorité siportèr Sagosien, san resansma ni referendum dan bann reg ki bizin, riské marzinaliz boukou manb kominoté la. Enn prosesis global ek partisipatif li esansyel pou instor konfyans ek donn garanti ki pou pran en kont tou perspectiv dan bann negosiasyon ki pé afekté lavenir ek drwa bann Sagosien.