Bann aktivis Sagosien depi Diego Garcia ensam avek bann desandan Sagosien, pé milit avek pasyon pou zot drwa de retour lor zot zil natal, apré zot lekzil forsé dan bann lané 1960 ek 1970. Zot vwayaz ki zot fek fèr Geneve ti inportan pou fèr lémond plis konsyan de zot bann difikilté ek zot finn met lanfaz ki bizin enn vré konsiltasyon konsernan negosiasyon lor souverènté akot en gran parti finn eksklir zot lopinyon.

Dan bann diskisyon avek bann lorgann Nasyon Ini —notaman Komité pou l’éliminasyon diskriminasyon rasial (CERD), O-Komisaria drwa de lom (HCDH) ek lorganizasyon non gouvernmantal Servis internasyonal pou bann drwa de lom (ISHR), —bann aktivis la finn met en avan zot revandikasyon pou lotodeterminasyon ek lekzekisyon enn referendum pou pep Sagosien. Sa langazma la li pa selma reflek zot lalit pou la zistis mé li oussi renforsi linportans pou inklir bann kominote afekte dan bann desizyon ki inpakté zot lavenir.

Zot laksyon éna pou bi fèr koriz bann linzistis ki Sagosien finn sibir dan le passé, kan zot pé intersed pou rekonésans ek respé de zot drwa antan ki enn group otoktonn. Dévouma san faye de sa bann militan Sagosien la pé témwagn de zot langazma ferm pou fèr en sort ki zot lavwa rézoné dan bann déba internasyonal lor bann drwa imin.

Mme.Bertrice Pompe ki resaman ti lans enn aksyon légal kont gouverma Britanik pou kontesté ki donn Moris souverènté lor Sagos, finn deklaré ki ‘‘Biento nou pou de retour dan Geneve pou nou amènn lavwa Diego Garcia avek tou bann Sagosien. Nou lalit kontinié avek dinité ek determinasyon.’’