1. Kontribisyon dan Lekzamin Periodik Iniversel Moris (UPR) dan l’ONU: Nov 2023
Lekzamin Periodik Iniversel (UPR) cé enn procesis ki inplik enn lekzamin periodik sitiasyon drwa de lom dan lansanb sa 193 léta ki manb l’ONU la. Chagossian Voices finn kontribyé dan Moris so Lekzamin Periodik Iniversel (UPR ) ek a la fin finn fèr enn prezantasyon dan pré- sesyon Lekzamin Periodik Iniversel Moris dan l’ONU a Geneve en novam 2023. Sa procesis la li inportan pou sagosien non selma parski boukou sagosien viv dan Moris, mé oussi parski Moris ena lanbisyon lor souverènté bann zil la, ek sa pou ena linpak lor drwa imin sagosien atravèr lémond. Domènn prinsipal ki ti abordé dan nou prezantasyon ti kouvèr:
- Bann dezavantaz ekonomik, kiltirel, striktirel ek informel ki sagosien ek kreol morisyen finn viv dan Moris
- Drwa sagosien entan ki enn pep otoktonn
- Drwa lotoderterminasyon sagosien
- Lalwa dan Moris ki anpess liberté eksprésyon lor bann sizé souverènté
- Lanpriz gouvernma Morisyen lor Chagossian Welfare Fund
- Tranparans ek kont randi dan bann plint ki finn mété kont lapolis ek gouvernma
- Transparans, konsantma ek inplikasyon la kominoté dan konstriksyon enn baz aeryènn lor zil Agalega