Ki sanla bann Sagosien?
Bann Sagosien cé enn pep ekzilé dépi larsipel Sagos avek zot desandan. Bann zil Sagos finn dépéplé ek tou Sagosien finn ekspilsé par fors par Rwayom Ini ant 1968 ek 1973 pou fèr plas a enn baz militèr amérikin lor Diego Garcia zil ki pli gran. Sagosien – enn nomb environ moinss ki 10 000 azordi- finn prinsipalma reparti ant Moris, Sesel ek Rwayom Ini. Sagosien finn viktim enn violasyon mazèr de zot drwa imin par bann pays inpliké dan zot lekzil ek zot touzour pé atann lazistis, restitisyon ek retourn dan zot zil. Enn rapor Human Rights Watch en févrié 2023 finn dekrir la fasson ki finn tret Sagosien kouma enn krim kont limanité. Sagosien zot oussi koni kouma bann Ilois ek larsipel Sagos li koni kouma teritwar d’outre-mer Britanik l’Ocean Indien (B.I.O.T) ek lontan ti pé apel li zil pétrolièr. Sagosien cé enn pep indizenn, zot desandan bann esklav afrikin ki finn améné lor bann zil la ki ti inabité a lafin dizwitiem siek par bann Français. Larsipel sagos li enn group ki ena plis ki 56 atol koray ki ena enn laltitid ba, ki kouvèr enn siperfisi total environ 60, 000 km2, parmi lekel Diego Garcia pli gran. Li sityé a 200 km depi bann lézot zil principal, group Peros Banhos ek bann zil Salomon. Bann zil la ki tipti ek bien dispersé, zot retrouv zot a 2000 km depi Moris ek Sesel, avek ki zot ti lyé pendan environ 200 ans ki li lor plan kiltirel, ekonomik ek administratif.
Sagosien cé enn pep Kreol dorizinn Afrikin ek zot principalma katolik Romin. Zot éna enn kiltir inik ek zot langaz kreol sagosien. Malgré ki lanplwa prinsipal lor bann zil la ti asosyé avek plantasyon coco, sagosien ti inpliké dan enn sertin nonb aktivité profésyonel notaman kouma marin, peser, forzeron, boulanzé, sarpantié, masson ek mekanisyen. Sagosien ti oussi éna létan ek la liberté lor zot zil pou lapés, lasass, planté ek elevé zanimo. Bann zil la pa ti lor porté bann mekaniss kouma kontrol par gouvernma avek bann organizasyon ek bann aktivité komersyal ti pratikma inkoni. Père Dussercle, enn monpèr français ki ti en vizit, finn noté dan bann lané 1930 ki sak lakaz ti éna enn ravann (enn tanbour tradisyonel lor enn kad) ek ki lamizik avek fèr lamizik sosyal li ti esansyel dan lavi sa bann insulèr la. Enn ekspèr maritim ki ti en vizit finn noté en 1901 ki Sagosien ti “enn kominoté ki zot bann aktivité bien ordoné ti pé deroul en sekirité ek san problem, san intervansyon bann fonksyonèr, bann ziz, lalwa ek lotorité.”
Tou sagosien avek zot desandan astèrla gagn drwa sitwayènté bann teritwar d’outre-mer Britanik ek sitwayènté Britanik. Sagosien ki finn ekzilé dan Moris ek dan Sesel zot oussi éna drwa sitwayènté Morisyen ek Seselwa. Bann zil la ti administré par bann Français en tan ki depandans Moris ek sa finn kontinyé a partir 1814 kan Grande-Bretagne finn pran kontrol de bann zil la. Bann zil la ti séparé dépi Moris ki ti enn koloni Britanik en 1965 pou kré enn nouvo koloni (BIOT). Bann zil la pé fèr lobzé enn konfli souverènté ant Rwayom Ini ek Moris. Bann sagosien pé afirm zot drwa lotodeterminasyon mé zot pé ress ekskli dan bann negosiasyon souverènté ki en kour ant Rwayom Ini ek Moris.
Lir plis apropo Sagosien, zot kiltir ek zistwar
