Pep sagosien finn komémor deportasyon final avek enn rasanbleman kiltirel dan Derby, Rwayom Ini- dimans le 25 mai 2025, Sagosien a travèr Rwayom-Ini ek la Suisse finn reuni dan Derby pou mark 52eme laniversèr déportasyon final de bann Sagosien depi zot la tèr natal en 1973. Sa lokazyon solanel la finn sélébré par enn lévennma kiltirel dinamik ki so but cé préserv patrimwann la kominoté ek renforsi lidentité intergénérasyonel.

Organizé par bann Sagosien dan landrwa, sa lévennma la finn servi kouma enn mémwar emouvan de lekzil forsé ek rézilyans de bann Sagosien ki pé kontinyé. Sa rasanbleman la finn met en avan bann pratik tradisyonel kouma rap coco ek préparasyon “séraz poul ” — enn plat anblematik avek poul ek dilé coco — dan kad bann zéfor ki pé fourni pou préserv bann tradisyon kilinèr ek kiltirel Sagosien.

Enn de bann organizatèr sa lévènnma la finn déklaré ki “Sa la zourné la li pa ziss pou fèr rappel bann linzistis ki nou finn sibir mé oussi pou sélébré céki nou été ek pou asir nou ki nou bann zanfan ek ti zanfan ress konekté avek nou rasinn .”

Pep Sagosien, ki orizinèrman finn ekzilé dépi l’Arsipel Sagos dan l’Océan Indien vèr la fin 1960 ek débi bann lané 1970 pou fèr plass a enn baz militèr, pé kontinyé milit pou gagn enn rekonésans, restitisyon, réparasyon ek drwa retour lor zot latèr ancestral avek enn drwa l’otodéterminasyon.